Título
El socialismo no es una utopía: es una ilusión
Referencias editoriais e descrición física
Autor: Xabier Vila- Coia
Editorial: Lapinga Ediciones
1ª edición: outubro do 2006
Lugar de edición: Madrid
Formato: 23 cm × 30,5 cm
Lombo: 3,2 cm
Peso: 2075 g
Número de páxinas: 344, a toda cor
Papel dos interiores: Aconda branco semimate de 150 g/m2
Tipografía do texto común dos interiores: Arial 12,5 pt
Acabado da cuberta: laminado brillo
Técnica de impresión: offset
Encadernación: tapa dura ao cromo, cosido con fío vexetal, con lombo cadrado e cabezadas
Materia: Antropoloxía social e política de Cuba/Socialismo obras ilustradas/Socialismo-Cuba
Idioma: Español
ISBN: 978-84-934985-0-4
EAN: 9788493498504
PVP: 40 €
El socialismo no es una utopía: es una ilusión é un libro de contido político, social e antropolóxico composto por fotografías realizadas mediante a técnica propia da antropoloxía visual, que plasma dende unha perspectiva creativa e singular a realidade e a vida cotiá na República de Cuba. As imaxes que o compoñen foron tomadas entre o mes de outubro de 2002 e o de maio de 2004, período no que o autor residiu na illa para levar a cabo unha investigación na Universidade da Habana.
Na selección das imaxes seguiuse un criterio meramente descritivo, sen nesgos positivos nin negativos, do sistema político, económico, social e cultural cubano. Non obstante, para que o lector poida establecer a súa propia comparación, ao final do volume incorpóranse varias fotografías tomadas en países capitalistas, concretamente en Bos Aires (Arxentina) e Toulouse (Francia). En canto aos capítulos, o libro constitúe unha unidade visual e argumental e en ningún momento crébase a súa continuidade discursiva; con todo, é fácil identificar subunidades temáticas cuxo inicio vén marcado por ilustracións especialmente significativas en relación con cada tema particular.
Esta obra está destinada ao público amante do saber e da arte pois a súa intención é ensinar a través de imaxes estimulantes e esteticamente atractivas na súa concepción e realización. No ano 2007 foi nomeada ao Premio Nacional de Fotografía polo coordinador xeral do «Festival Internacional de Fotografía y Artes Visuales PHotoEspaña», Javier Martín Jiménez.
Co falecemento de Fidel Castro en novembro de 2016, El socialismo no es una utopía: es una ilusión converteuse nun valioso testemuño visual das características sociais e políticas do peculiar réxime por el instaurado en xaneiro do ano 1959.
Solicitude de exemplares