Metadatos

Voltar

Título

Grafitis, carteles, pegatinas, stencils y collages en la Facultad de Ciencias Políticas y Sociología de la Universidad Complutense (1988-1989/2018-2019): del postfranquismo al metapodemismo


Referencias editoriais e descrición física

Autor: Xabier Vila- Coia

Editorial: Lapinga Edicións

Data de publicación: 27 de setembro do 2019

Tirada: edición limitada de 90 exemplares, numerados na páxina de créditos

Lugar de edición: Madrid

Formato: 27 cm × 20 cm (formato apaisado)

Lombo: 3,2 cm

Peso: 1,830 kg

Número de páxinas: 400 (a cor)

Papel dos interiores: estucado mate de 150 g/m2

Papel da cuberta: estucado mate de 170 g/m2

Acabado da cuberta: laminado mate anti-scratch

Tipografía do texto común dos interiores: Ebrima 11,2 pt

Tipografía dos pés de foto: Gadugi 9,3 pt

Técnica de impresión dos interiores: offset dixital

Técnica de impresión da cuberta: offset

Encadernación: capa dura ao cromo cosido con fío vexetal, con lombo cadrado e cabezadas

Materia: Fotografía/ Graffiti/Colaxe/ Postgraffiti/Arte Urbana/ Street Art/ Anarquismo/Marxismo/Feminismo/Memoria histórica/Historia das ideas políticas/Ideoloxías políticas/Socioloxía política

Idioma: Español

ISBN: 978-84-934985-8-0

EAN: 9788493498580

Depósito legal: M-22146-2021

PVP: 200 € (IVE incluído)


Sinopse

Esta obra mostra unha selección representativa dos graffitis, cartaces, adhesivos, «stencils» e colaxes realizadas polos estudantes da Facultade de Ciencias Políticas e Socioloxía da Universidade Complutense de Madrid no período delimitado polos cursos académicos 1988-1989 e 2018-2019. Nela, o autor leva a cabo unha análise da evolución que tivo lugar nos soportes, as técnicas e os contidos desta clase de comunicación non institucionalizada, ademais de recoller a diversificación dos idiomas utilizados no transcurso do devandito período temporal; polo xeral en concordancia co momento político e artístico no que se produciu.

Nas fotografías que conforman o libro advírtese o devir ideolóxico dende o marxismo cara ao feminismo, amalgamado co liberalismo e o anarquismo; así como o xurdimento dun sincretismo entre a clásica pintada europea, caracterizada polo predominio do texto sobre a imaxe, e o máis recente graffiti americano («graffiti hip-hop»), no que prevalecen a cor e o deseño en detrimento das mensaxes concretas propias do noso discurso mural, xa foxen reivindicativos, humorísticos, sexuais, escatolóxicos ou filosóficos. Tamén non pasará desapercibida ao lector a substitución das mensaxes de apoio, máis ou menos explícito, á violencia política como medio para provocar a transformación radical da sociedade pola preocupación cara ao cambio climático, os malos tratos a os animais, e a produción e o consumo excesivos de plásticos.

O obxectivo principal da obra é recuperar a memoria histórica que as pintadas, os cartaces, os adhesivos e as demais formas creativas e alternativas de expresión dos estudantes recollen e exteriorizan nos seus textos, debuxos, colantes, fotografías... Outro obxectivo importante é mostrar o discorrer cotiá da facultade debido a que este singular centro de estudos é un dos que máis personaxes relevantes deu á sociedade civil e política española.

Debido ao seu interese cultural, artístico e histórico foi seleccionada polo Comité Científico do «International Congress on Arts and Cultures», que se celebrou os días 28 e 29 de novembro de 2019 na facultade de Ciencias da Información da UCM.

Grafitis, carteles, pegatinas, stencils y collages en la Facultad de Ciencias Políticas y Sociología de la Universidad Complutense (1988-1989/2018-2019): del postfranquismo al metapodemismo conmemora o trixésimo aniversario do traslado deste significativo centro de estudos dende a Cidade Universitaria de Madrid ao campus de Somosaguas, situado no municipio de Pozuelo de Alarcón.


Índice de contido

Introdución

Exteriores

Cafetería

Baños

Aulas

Corredores

Epílogo

Bibliografía

Colofón


Solicitude de exemplares

lapinga.ediciones@gmail.com




© Xabier Vila-Coia - 2021 · Contacto